KOL內幕 #1 Follower暴跌+ 我的秘密㊙️ (Patreon)

IG FOLLOWER暴跌的原因？我的秘密㊙️

其實我諗都唔算係咩秘密，但我從來無公開講過呢樣嘢😜 咁不如就喺度人少少，同大家講下😄

話說最近呢兩個月經歷左follower大暴跌，由4萬4千7，跌到去4萬3千8，跌左差唔多900人😂😂

我思疑嘅原因係，首先haters玩厭左我，部分本身諗住睇我點衰嘅人，發現佢地越搞我就越好，決定唔再搞我，無幫我宣傳。部分haters + 花生友因此unfollow。事實上近來真係好少人鬧我，令我好唔習慣🤣

第二，呢個係我真正嘅秘密。其實我因為好奇，都曾經喺淘寶買過follower，亦都試過玩一啲交換follower嘅遊戲/APP。我諗加加埋埋嗰度都有幾百個follower。一開始我只係諗住試吓究竟呢啲嘢係咪呃人，理解下佢哋點運作。點知原來係真嘅，真係會有follow，咁就一路keep住左個幾百個follow😹 但買/交換follower嘅唔好處就係，佢遲早一定會跌，因為佢一係用假帳號追蹤你，然後IG會間唔中清理假帳；或者佢係用真帳號follow你，但果啲人根本唔係鍾意你，所以過咗一陣就會unfollow😹

但好在我都只係買幾百個玩下（但明明冇買900個咁多），無真係全程投入，所以唔會好似好損失慘重😹 我依家四萬幾個全部真過珍珠，真係因為俾人公審、上電視上報紙、寫內容po相等等而獲得返嚟😹

我喺公開嘅平台好少會（喺嗰個人冇傷害我或他人嘅情況下）婊人，而家喺度偷偷地話比你哋聽，其實我眼見好多所謂KOL都係買好多follower😹😹😹 講緊係可能原本得1000個係真，然後買10,000個假😹 佢哋真係可以一跌跌到得返3000，然後第日又即刻上返9,000，期間沒有發生任何注目嘅嘢（eg因為俾人放咗上報紙所以出咗位）😹😹😹😹 而且佢哋真係冇內容亦都真係冇人識🙃🤭 但奇就奇在，marketing公司又真係會（透過中介）搵佢哋賣廣告（雖然我都知道佢哋呢種基本上係冇得賺，講緊係$100都無出一個post，甚至係免費出，只係送product）😂😂 賣鬼咩，賣比啲假acc睇😹😹 而嗰啲KOL 分分鐘連買follower嘅錢都賺唔番😹😹

得閒又講下啲所謂KOL內幕娛樂下大家先😂🙌🏻 下次不如講下KOL搵幾多？

更新，明明我記得我只係買過2/300個玩下，原來今期全線follower 下跌（見圖），所以唔係淨係我😜 都話無理由一跌跌900😹