《評頭品J》之 - 粗之過吉 (Patreon)

呢兩日喺ig 講開unsolicited dick pic （DP）嘅問題，即使已經講明我唔係特別想收到，仍然無啦啦有陌生人send 屌照/自瀆影片黎。既然如此，我就忽發奇想，還掂都係，不如我就喺patreon 呢度開個物化男性、品評呢啲JJ 嘅專欄，等大家可以從女性（sample size = 1 = 我）嘅角度，睇下我地係點睇呢啲JJ！雖然我無乜性經驗，但勝在夠了解自己身體+同過好多女仔傾呢啲話題，所以應該都可以喺度發表下睇法嘅！

第一集：粗之過吉

收到呢張圖之後，我真係呆左，心諗，嘩咁L粗嘅！呢個並唔係讚美，因為我第一下想像到嘅係好！很！痛！(頭盔: 都有可能係佢手好細嘅LOL)

就算我平時試sex toys/real toys (😏) ，粗度只有佢一半左右，但其實已經會覺得撐到好盡。如果再撐盡啲，仲要活塞運動，應該真係會痛架啦大佬。當然，陰道係有彈性，仔都生到，但我唔想無啦啦經歷生仔呀，親！🤭 當然，唔排除有女生係鍾意俾人撐爆嘅感覺，甚至鍾意生仔嘅感覺，畢竟世事無奇不有，我可以幻想到應該會有人覺得好turn on 好正...但作為細細粒粒嘅肥妹仔，而且試過佢一半size 已經覺得好撐嘅純情小兔兔（好似係），我就好難想像會enjoy到呢個粗度。

秉持住body positivity 嘅理念，面對不能縮的JJ，我當然唔會踩到佢一文不值，尤其是呢樣係佢改變唔到嘅身體特徵黎... 其實，即使係陰莖過粗，都唔係世界末日..

首先，你可以唔好搵啲細細粒粒嘅性伴侶，因爲人嘅嘢通常都係按比例...我呢啲155cm都無嘅就...🤭🙃🤭 Size matters，但唔係越大越好，係要適合先好，買左張天皇按摩椅，但原來屋企只係納米豪宅，只會苦了雙方。

第二，就係雙方要花好多耐性同時間，粗之過吉的，就切忌「操」之過急。女方可以試下做陰道收緊擴張鍛鍊，甚至用陰道擴張器輔助。男嘅最主要就係要協助伴侶放鬆+進入狀態，同埋改變心態：多啲前戲，唔好淨係諗住抽插，盡量減低活塞運動嘅時間同比例，性行為都有好多方式。仲有潤滑劑呀、其他輔助品等等，都可能係好幫手。但前提係，你地一定要有耐性去慢慢work this out。

最後，其實鹹魚白菜各有所愛，就算JJ尺寸異稟，其實越奇特嘅可能反而越容易令人癡迷（niche market）...so....唔洗氣餒嘅，或者原來呢個粗度會有另一種滋味，係我唔識細路女不識泰山呢😜

下集講下硬度😹？你地有無咩想聽呢？