貓+女僕lingerie+心事台 (Patreon)

自從開左patreon 以來，呢一年幾我真係開心左好多，因為有你地嘅支持，真的。大家都知，我比haters攻擊得多，或多或少都有啲image issue，姐係以前，我連街都唔敢出，會覺得自己好醜好核突好驚出街俾人笑or偷拍放上網笑🤭 當然呢啲嘢我唔會公開講，因為好多妹妹睇我頭，靠我比勇氣佢地面對欺凌者/haters，所以我要好似唔可以認輸咁😜 不過人總有不安同軟弱嘅時候。

自從開左patreon，我有個平台發洩下，你地又成日assure 我、讚我、鼓勵我，令我成個人都開心左好多，無以前咁自閉咁怕人。有好幾位朋友，之後喺現實中同我相處/見面，之後居然會變得更加支持我（而唔係好似haters 所講咁，見到真人都嘔三次），令我成個人都慢慢變得開心返、開朗返。

好在有呢個platform作為一個避風港，雖然我同屋企人關係都好好，但what happens online stays online，佢地雖然支持我但都未必明白同鼓勵到我。如果唔係你地，我真係唔知仲要孤立自己、諗埋一邊幾耐🤦🏻‍♀️

其實三年前，我有一段時間有嚴重抑鬱症，仲試過有幻聽🤦🏻‍♀️ 之後雖然慢慢好轉但一直都斷斷續續被影響住，例如考試期間會特別大壓力，試過嗰期比成班haters 攻擊嘅時候，自己匿埋喊到收唔到聲，之後崩潰到miss 左個考試😑 所以我真係好感恩有你地支持，真係扶我一把咁滯....當然，我睇過個研究，話呢個世界上絕大部分人都有過情緒病/情緒問題，「正常人」先唔正常。好慶幸喺我最唔掂嘅時候發掘左patreon 又膽粗粗開左又遇到你地😭 肉麻嘢唔多講，bye～😜