中學時期出土校服照！+ 心事台 (Patreon)

呢啲圖真係要遮樣，舊同學不滿要吿我，我擔當唔起啊！

講起，我身邊啲人真係好勁，有時我真係無面目面對佢地😹

好似呢張班相咁（yes 我地學校其實相對係幾自由，影班相都比我地擺自己定嘅pose），求其crop 出黎，已經有幾個醫生律師會計師AO😑 主播都有兩個（你地應該會喺電視見過佢地），有啲同學家底係雄厚到嚇親人（講緊係一啲經常會上報紙嘅富豪嘅千金）。

有時會覺得，當年我地一齊讀書一齊玩，點解最後命運會差咁遠😹 唔係話好自卑，純粹會思考下咁😹 當身邊最close 嘅朋友，個個都做曬專業人士/ibanker，我就喺度搞埋啲唔知乜，賣sex toys，搞自己生意（暫時又唔係好成功，不過我都未畢業嘅...），好似好唔secure好反叛好唔跟大隊，可能最後仲要乞食兼無社會地位。夜深時會諗，我會唔會影衰我啲best friends..... 但好在佢地又好proud of 我，覺得我做自己野都值得欣賞...但其他同學就唔知點諗啦...由我幾年前開始喺ig post/講埋啲（佢地會認為係）激進嘅嘢，好似就註定從此要同佢地分開走入唔同世界咁...由嗰時開始我就完全放棄左我過往嘅身分認同，連中學都無再返過去🤭 唔知係咪好事呢？🤔🤓