油漆女工more (Patreon)

大家喜歡有filter（右）還是無filter（左）？

我就覺得無filter 自然好多但有filter 就好似（張相 aestheically）靚啲。

又同大家傾下心事，呢排因為籌備各種事（補習社只係其中一樣），體力同腦力都被multitasking 榨乾了。其實真係好累，不過咁樣我係好滿足，我好鍾意productive、efficient地做嘢，感覺好充實好開心。要我做懶人我會好不安😹 人地去玩係開心，我由細到大，「去玩」都唔係好enjoy，因為覺得好浪費時間😂 當然陪屋企人係例外～ 有人又話，見到啲haters點樣講我，又話想我死，問我會唔會好唔開心。其實我真係無乜時間跟貼啲人點搞我，or else 我會無曬時間處理讓自己進步嘅事😹 有時睇到啲心地好差、好惡毒嘅針對我嘅言論（例如500幾人話希望我比火燒死LOL），我都唔知笑定喊好，我一方面覺得自己做錯啲乜要比人咁惡毒地咒罵，有少少shock......自問一直都係做自己野講自己野，唔會主動搞人😂 反而係啲人成日主動搞我.......另一方面又覺得好好笑，我居然只係post下嘢玩下social media ，就可以令部分人如此在意同仇恨😹 成件事係好荒謬，唔知以為我殺左佢地老豆😂

慶幸嘅係，我其實係忙到唔得閒太在意佢地，noted with thanks 就算，唔小心laap一laap到佢地講乜，就無時間理，又要起錨做嘢😹 加上，身邊嘅人同埋你地都好supportive，如果唔係我都好難獨力支撐，有人幫同支持真係差好遠，我覺得充滿力量😸