絕對肥領域 X Patreon獨家率先重要宣佈！ (Patreon)

相唔是重點，重點是有關於我嘅嘢同大家分享。

記得一年前大概呢段時間，我都喺patreon 宣佈左我計劃搞sex toy shop 嘅想法。之後二月就開左Emilia’s Pleasure💖 你地永遠都係最快知道我最多想法/update 嘅好觀眾。

依家，我想向大家宣佈，我開左一間補習社/教育中心，預計將於12月-1月開始營運！！！😸

地方已經租左（好細，但剛起步，唔洗太進取住），課程表都安排得七七八八。我partner（另一位KOL 搣時潘）會負責中文Team，我會負責英文Team（DSE佢中文straight 5** 我英文straight 5**），會有其他興趣班(photoshop/法律知識/Coding/其他技能)，成人同中小學幼兒班都可以搞，視乎招生情況。

雖然我個law degree仲未正式畢業，但其實基本上，做生意嗰方面已經同畢左業無分別😂😂😂 （我其實唔止sex toy 同教育中心，仲有其他生意同投資但無出我自己個朵去做）。 唔講唔知，其實我係好鍾意小朋友，同埋有多年教班經驗（中四開始，上幾個post 都提過）😂😂 我又好鍾意同佢地愉快學習，唔洗佢地好似外面啲學校/補習班咁狂填鴨狂操練，等佢地學得開心，所以通常啲學生尤其細個啲嘅，都會幾鍾意我😸

成日有人問我第二時做唔做律師；有啲對我一知半解嘅路人甲，甚至會自己幻想我畢業後「實無人請啲咁嘅女」（因為我成日post 性感照同講sex LOL），話等睇我pk同後悔😂 但其實，我未畢業已經做緊好多野，Grad Job 都晨早有幾個offer😹 （因為大部分老細都係睇工作態度同能力，其他嘢唔會太在意，真係做到嘢咪好員工囉😸 我做嘢嘅態度chur過好多老細，所以我其實都係prefer 自己做自己老細😹）雖然已經有job offer （haters 唔知），但我如非必要，都係想搞自己嘅生意多啲，因為有趣啲同有挑戰性啲，滿足感都大啲😹

希望成功啦😹 如果有一日大家見我somehow 走返legal 嘅路，唔好替我高興，因為咁樣好可能係代表我其實係搞唔掂，生意失敗😹😹 （不過我都留左好多後路，連AO/公務員都考過pass 埋，不過純粹攞黎做後備，我最想都係建立自己嘅嘢）💖💪🏻💪🏻