又等錢洗？ (Patreon)

話說啲haters 真係好鍾意以己度人，話我halloween 著得性感直播係等錢洗😂

等我又同大家講多啲關於我嘅嘢。其實我由細到大真係從來無試過等錢洗。原因唔係我有好多錢，唔係我有父幹（我無），而係

1. 我零物慾，能屈能伸，唔洗錢都得

2. 我會打工補習賺錢儲蓄 就算中學時期都好少戶口會少於5位數

講下1。一般女生中意嘅嘢，例如買衫、買袋、買化妝品，我全部唔鍾意。我唔好名牌，唔好旅行，基本上無乜地方洗到錢。由細到大，我啲衫/化妝品大部分都係二手，因為我成10個表姐。我著二手衫都著得好開心，因為唔洗我出去自己奔波買，浪費時間同精神。食嘢方面，我呢一兩年間唔中會食好啲，主要都係覺得財產會變遺產，有錢都無命享。但其實，我係可以兩日完全唔食嘢。曾經，我會買$25成幾斤米粉，日日食淨米粉，$25蚊食足一個月。間唔中買啲特價瓜菜，一pack食成個禮拜，加隻蛋，一個月食飯最慳都唔洗$100😂 不過我又唔係因為好窮，所以要咁食，純粹係因為我份人有啲實驗精神，想測試下某種生活方式work 唔work😂 依家仍然係不斷測試緊唔同嘢😂😂 其實我覺得菜+蛋+米粉/飯 呢個combo 真係好屈機，營養又夠又平。所以有時見啲新聞話有啲基層兒童營養不良，因為家長無錢買嘢食，我都唔係好明白點work到😑 佢地計過條數，話一家三口一餐只有$50食飯budget，所以搞到個小朋友唔夠食😑 其實$50 瘋狂蛋+菜+ 飯係好夠做，而且仲有食物銀行（我做過義工了解）......😑 而最搞笑係好多時，呢啲家庭嘅父母係有錢買煙......😑 anyways 講遠左😂😂

講下2。我係好喜歡工作搵錢嗰啲人黎。講清楚啲，我唔係中意錢，係中意搵錢，中意解難，亦可以話係工作狂😂😂😂 不斷工作/解難/完成挑戰 -> 儲到錢，我就覺得好有滿足感😂😂 比啲例子。我中四開始幫人補習，year 1 就發現咁補唔係路，所以改變策略，好多學生度group埋咁樣補，結果時薪升左幾倍，我就覺得好開心。開心唔係因為「多左錢」呢件事，而係因為我搵到個方法去efficient啲咁樣工作。例子2，我嗰時接左大型補習社改mock卷，我係喺自己個中學畢業禮中，都埋頭苦幹咁不斷改，之後我會好滿足，因為我覺得我好好地安排、利用左啲時間😂 然後，我又發現，我可以外判啲試卷比同我差不多能力/資歷嘅同學去改，咁我又多左時間，所有嘢都事半功倍。 例子3，我一考完DSE，第二日休息都無，就走左去大家樂打工（前日見工，今日最後一日dse，聽日就返工）。我係好唔鍾意停下來浪費時間嘅人，一定要做好多野咁😂 除左大家樂，我朝早返完，下午就會去教班、補習，啲時間完全俾我安排到啱啱好，完全fit曬，每一日都做成10幾個鐘頭，我就覺得好開心😂 唔知你地明唔明，我係好鍾意諗計/度橋/編排，然後瘋狂投入我嘅工作計畫去搵錢😂 我唔係中意錢本身，係中意個過程😂 但呢個興趣有個好好嘅副作用，就係我長期都儲到錢，雖然唔係好多，但根本唔會有「等錢洗」嘅情況出現。

所以有時睇到佢地啲評論，真係得啖笑😂 笑佢地咁自以為是，覺得好瞭解我。我halloween 扮女僕直播係因為我覺得自己著得幾qq又小性感，幾好睇，唔係因為我想引人嫖我定點😂 更加唔會關等錢洗事，因為我根本唔會洗錢，亦好多途徑搵錢😂😂 （利申其實我唔係好介懷佢地up乜spring，純粹借機同大家介紹多啲我自己😂）