quick flash in da lift😹 (Patreon)

搭lift 嘅時候沉後面條友㩒手機，就用一秒咁樣自拍左一張😹 幾好玩😹

btw 有人問我點解我喺ig post 少左好多性感照片😑 咁講真其實我以前都唔係post 好多，直至依家1500張相先得30張左右係性感少少😑 其次就係，我以前post 嗰啲相有兩個原因

1. 想突破自己/別人保守嘅觀念
所以我往往一路post 都會好大段caption，講身體自主啊bla bla，宣揚我嘅價值觀。但我依家已經覺得，要講嘅都差唔多講曬，我暫時無乜特別再需要用post 相呢樣嘢再宣揚啲我已經講過嘅嘢。

2.我鍾意post，當係一種發洩
我有少許呢方面嘅反叛。別人越係話唔得，我就好似越唔認輸越要做（咁當然唔係作奸犯科嘅嘢la）。以前喺ig post，除左滿足我某部分有少少exhibtionist嘅興奮之外，都係有啲鬥氣成分😹 但自從有左patreon 呢個平台比我安心一點地發洩，加上自己睇開左之後，我就唔再需要透過post 相出公海獲得呢啲快感，更加唔洗為激氣而post，而係真係可以喺度happy share。

其實無論係呢度嘅相or ig 嘅相，就算時光倒流50年，都已經有大把女生係尺度大過我幾千倍，我真係唔明點解網民會咁大反應，然後就鍾意睇佢地對住我啲相小題大做，少少性感都嘈嘈嘈，又要我尊重自己又叫我反省，唔知以為我殺左人，原來只係著sports bra😂

不過依家會覺得挑起佢地條筋唔再好玩，因為都係重複又重複。呢幾年，我去過美國一轉，攞左個law degree，搞左自己嘅生意，人脈都廣左好多，仲學識左少少投資，生活同心態都有所進步，而回望返，網民嘅評論同3/4/5年前係一模一樣，都係會就住一條事業線小題大造，隨口人身攻擊係雞係公廁。我就覺得，嗯，由佢地啦，我自己進步就好，睇住自己慢慢進步而同時網民嘅思維好似毫無寸進，我當佢地係笑料睇算了🤣🤣🤣