香港人嘅性到底有幾壓抑。 (Patreon)

香港嘅男男女女，真係好多都慾求不滿。喺香港，大部分與性有關嘅事物都被妖魔化、ridicule。等我用朋友A/B 黎做例子。

朋友A 雖然有個SP，但其實都係機緣巧合下，糊裡糊塗地識的。佢本身唔係好開放嘅人，但都會有情慾，一生人暫時都無乜掂過幾多副肉身，但其實心底裡好想豪放一下，係對住我因為熟少少，先顯露出蕩漾嘅一面。與其話嗰個係SP，不如話佢係不稱職嘅男友，因為知道A大部分時間都極內向，佢覺得自己食硬A，於是喺性方面，都係自己洩慾完就算，可能講緊係幾分鐘一場sex，一個月三四次咁，仲要好多時都係A做主動。

你地可能會話，有需要，點解唔搵多個SP/換個男友？朋友A會話你聽，香港地真係好多好多道德L，男人食女多，尚且會被當作成就；但女人千人斬，香港保守嘅風氣絕對係會將佢置於死地，連佢自己都可能會覺得自己「唔檢點」。你話去叫鴨咩？首先香港叫鴨途徑好貧乏，唔似叫雞咁。其次，就算係叫鴨，都係用左一個女生嘅「貞節」quota。

再者，唔講呢啲道德枷鎖，女人搵食嘅危險高過男人好多倍：被偷拍傳開、被勒索、被強姦（例如性愛過程中，砲友擅自除套，或施以暴力逼女方進行佢唔同意嘅性行為），總而言之，嗰啲甚麼偷拍群組、出賣女朋友/SP嘅風氣，已經令好多女生卻步，唔再輕易相信男人。

所以，即使朋友A個SP/男友有啲不滯，佢至少熟悉佢，知道佢唔會偷拍or出賣or傷害佢，所以就袋住先了。

保守 ->性壓抑 -> 污名化 -> 傷害 -> 不信任 -> 保守

所有因素都係因果。如果唔係因為風氣咁保守，根本唔會覺得食到女，要偷拍/周圍傳/侮辱條女。如果唔係因為女仔容易喺性之中被污名，就會有多啲女仔肯投入肉慾嘅市場，咁樣男男女女都可以更加享受到性，唔會咁壓抑。

以我所知，A 一日至少自慰一次，因為佢根本不能亦不敢喺真正性交之中獲得滿足。好諷刺，我知道呢個世界有好多肯服務女生，又信得過嘅男生。但資源永遠係錯配，性慾強嘅男人，永遠都somehow會溝到性冷感嘅女；肉食女，又硬係溝到啲hea jj。

呢個就係A嘅故事。