反偷拍= 怕比人搶生意= 厭男？😂😅 (Patreon)

（附上扮偷拍照一張😂 我嗰日好奇突然想睇下如果啲人用偷拍角度影我會影到乜，所以自影😂 但之後有人經過發現我自影，好awkward好尷尬😂）

好搞笑，之前啲人話（其實台灣蘋果日報報咗添），我揭發偷拍嗰單嘢，係因為我自己「也在賣淫照」，所以怕啲group搶我生意😂 This is the stupidest argument I have ever heard. 照呢個邏輯，某班女人一開始Hate我開patreon，係咪因為佢地個個都做雞/會賣裸照，所以怕我搶佢地生意？😂 啲男人hate 我，難道又係因為佢地本身係雞頭？😂

網上咁多情慾資訊，要「搶我生意」嘅何其多！我「揭發」偷拍group，其實只係因為佢地侵犯他人🤷🏻‍♀️

可能你會話，呢個世界咁多侵犯他人嘅嘢，點解我會無啦啦睇中佢哋。我會話，呢個係緣份😂 唔怕同大家講，我之前一直冇講出嚟，其實我係有幾個朋友，俾人喺偷拍grp度侵犯，佢哋係完全無辜嘅情況下，俾人不斷dehumanize、用佢地好受辱嘅方式拍照同評論😐 講緊係，佢哋只係喺街度行，已經要受辱。所以，其實唔係我揭發偷拍group，我只係負責出post，背後揭發嘅係佢哋，我嚴格黎講只係幫朋友。

如果我真係怕生意乜乜乜，其實我應該唔好搞偷拍單嘢，甚至提都唔好提，因為我知大部分男性，包括可能係subscribe 緊我嘅你地，都可能會心底裡企喺偷拍group 嗰邊。「大家都係男人」，你地會明白佢哋嘅慾望同心態，甚至，你地好可能係喺group 入面，想睇下幾時有流出、幾時有索女。我搞佢地，可能sort of 都係搞緊你地，姐係倒自己米。

男人嘅慾望，我唔會blame，從來我睇呢啲性別議題，都當係一個社會現象咁分析，而唔係針對個體嘅行為、個人嘅價值觀，至少我希望係做到咁。所以，我根本唔太care 個個體係邊個，更唔會因此人身攻擊/針對個人、針對男人。但同時，如果你地選擇左用侵害人嘅方式黎解決性慾望，希望你地都停一停，諗一諗，you guys can do better，你地絕對可以做得更好，我相信你地係有自制能力同會尊重人嘅humans😝😍💖