Foodporn: 鹹豬手／非港女甜品三層塔～ (Patreon)

🍴【Beerliner German Bar and Resaurant】焗豬手，甜品三層塔～ 

📮【旺角】朗豪坊頂樓

💰【價錢】～ $350@

🐷【好味程度: 7.5/10】

首先，呢度環境真係好唔錯，好適合三五知己黎飲翻杯～ 不過注意，食物份量都算大，如果要試多d嘢最好多d人黎！

我第一次去食，試左個焗豬手配鹹酸菜同薯蓉、松露白酒忌廉煮青口同甜品拼盤。三樣都好滿意！

首先講豬手，外皮好鹹香好脆的，但入面d肉質仲keep到幾嫩滑，唔知以為食緊我隻手（誤😂），而且服務生會幫我地切，好細心。 缺點係，一定要快快趣食，否則個皮一凍就會變硬，好黏牙！

青口無乜特別。係幾好食，不過你都估到咩味，但平平穩穩咁囉～😛

甜品先係star！我本身就麻麻地甜野嘅，但真係，三款都好出色！

第一層，啤酒tiramisu，鬆軟、充滿獨特嘅酒香，質感不太乾不太濕，讚！

第二層，Apple crumble 配雲尼拿雪糕。酥皮好香好鬆化，熟蘋果好大片好深入地甜～ 一凍一熱咁食好正！

第三層，唔知係乜，糖霜焗爐到好香脆嘅東西，配野莓汁！呢個我覺得係最好味，但我真係唔知佢係乜！😭