Patrons限定｜背棄了理想　誰人都可以｜那會怕有一天只你共我✊ (Patreon)

@903Marco

人大了 難得放肆地笑
才會懂 煩惱盡量忘掉

應該無乜人知，其實 Marco 同我係大約同期入商業電台嘅。四個入 881，四個入 903 😄。

@hkfootstop @tommy_mixedfatboy

直到失敗 至懂看透
讓那不甘 去為我來營救 向著太陽狂走

同 Pete 加 Marco 三條友，對上一次三條友一齊已經係四年前尖沙嘴一個角落，再見嘅呢日已經係千里之外嘅呢度；同混肥就係絕對緣份，第一次見就係因為佢一句「tgt lor」，所以就一齊喺火炭網上講波🤡；第二次係無九端端我去 farewell 佢，嗰晚我識嘅 —— 全部都係！新！朋！友✌️。翌日，江湖話醉醒嘅佢問我有無嚟🤣。第三次，係呢個男人接我呢個男人嘅 gay🛬️👬。

好友嘅好友 阿 WIN

我知 一雙手 只要握成拳頭 能捱下去
哪怕我 面容極蒼白 拒絕疲累
追 追不到 也得追
成就最渺小的壯舉

四年前呢個月，認識呢位好友嘅好友🙏，嗰陣大家都不以為意，只知道理念相約，人生不過盡力而已✊。

踢波嘅最大驚喜 Hugo

願你去到新天地
在那邊休息 閒來看齣戲
大概你再走遍萬里
信每站 風光旖旎

「陳生～～～？」

哈哈哈哈，我無諗過喺呢度見到你喎！過咗嚟幾耐？

「兩年喇～～～」

慣唔慣呀？

多謝 Hugo，當年試揸 BMW i8 就係要多謝佢，今日講 FE 仍然講到俾大家知電動車縮「電門」就已經差緊電，都係要多謝佢安排我試揸 i3 🙏。聽到佢今日喺英國繼續做番車行，我好 L 為佢開心😊。

聽講今日約 30 人一齊踢波

我現時自己肯做飯 悶極時自己可浪漫
慶幸還睡得好 還活得好過昨日
應付完自己的患難 為未來改正我習慣
忙下去 捱下去 但一不小心
總記起你（們）

我好少踢波，幾乎係四年一度🤡。不過對我嚟講，今日重點唔係踢波，而係喺千里之外見番一大班香港人。對我嚟講，係好夢幻，係真係好開心；以前識嘅，新相識嘅，我希望您哋都活得比昨日堅定、知足、開心或自由。咁多位 patrons 都係。

今日踢波，我係主力 —— 主力場邊吹水。點知，勾起咗細個喺公屋屋邨中間石地大球場，同阿爹踢波嘅回憶。其實，我從來都無認真踢過波。一生不羈放縱愛自由嘅我，總係覺得打籃球型啲🤣。

走嘅時候，我有啲唔捨得大家，因為我知道喺呢條 timeline 出現嘅呢個組合，係歷史上嘅第一次、又係最後一次，即係唯一一次。所以，我盡力活在 here and now。雖然希望下次再見，但即使下次不見都無所謂，因為似乎願意傾計嘅都傾過吓❤️，包括幾位車迷或者球迷✊。See you when I see you。