Alonso: I Kill Whatever They Have｜一日一 F1｜第三季（2/30） (Patreon)

Fernando Alonso 肯定會睇世界盃，因為佢鍾意踢波。

如果暱稱「Nando」艾朗素嘅 F1 生涯係一場「世界盃決賽」嘅話，咁 2023 至 24 年就係「老鬼世界盃」法定時間最後 7 分半，未計補時。

法定時間最後階段，Nando 有乜智慧同我哋分享呢❓

答案係直接引述嘅翻譯，問題係我九作嘅。

球證吹雞前嘅賽車，同啱啱開波嗰陣有乜唔同❓

「當你年青嗰陣，你每個圈都會好緊張；就算係 FP1 都好似爭總冠軍最後嗰個圈咁（丹按：第一年嘅角田）。」

問題係：「唔係每個圈都係最後一圈，不過呢啲係要自己犯錯自己學，而家喺比賽早段我都會避重就輕。」

例如❓

「例如好似水戰，事情將會變得好快，可能有好多安全車，可能有唔少 dry lines 之後出現，所以係會有較多機會。」

又例如 2022 年法國站星期日出場圈❓

Nando 自己一個喺 pit lane 出口前慢駛。慢駛嘅目的，就係等佢出 pit lane 後搵到個空檔急轉左⬅️，然後喺 T1 左彎內檔同 T2 右彎外檔留低胎膠。到正式起步，當其他人都假設 T1 內檔同 T2 外檔太 dirty 嗰陣，Nando 就利用幾分鐘前自己清理咗嘅賽道，扒咗 Lando 同 George 頭。

點解有咁嘅做法❓

因為「我要抹殺對手有嘅優勢（kill whatever strengths，丹按：ruthlessness 無情），同時我自己都要做到 100%。」

第三季《一日一F1》都係 30 篇。如果有興趣重讀前兩季嗰 60 篇嘅話，㩒下面個 tag 或者 content search：一日一F1。

完