靜靜雞｜呷一口 Sapporo 消愁 🍺 (Patreon)

有些感受，我想不多修飾，直接寫下來。

既然在這時空，你是荷蘭支持我的 👊👊👊 patrons，我就唔理咁多當寫日記咁。我個人呢，好似好正能樣咁，其實同時都好 L 放負。我自問修為與 EQ 實在不高，只不過我收得好、通常自己靜靜地、偷偷的在人後放負。男人嘛（多九餘），人前放負，好像有點那個。近年，通常都係呷一口威士忌，間中吹一口雪茄，讓煩惱化作輕煙便算（X 你，又話唔修飾）。

今晚呢，讀著前港督彭定康於《時代雜誌》全球百大最具影響力人物中，對得票第一名羅冠聰的評論時，突然悲從中來。

彭定康開首說，他是香港年輕一代的其中一個領袖，他帶頭反對北京破壞香港的法治與自由開放社會，現已流亡海外。肥彭結尾說，我們全部人必須繼續為羅冠聰以及所有為香港爭取自由的人發聲並企硬，we must all continue to speak up and stand up for Nathan Law and for those who fight for freedom in Hong Kong。肥彭，我們不止要為香港爭取自由而發聲的人 speak up 以及 stand up，還有世界各地維權與平權的都要支持。我們也許勢孤力弱，但終或最贏的一定是民心所向的一方。

悲從中來，或多或少是我覺得欠了年輕幾代人，因為我醒得遲。係，我二〇一四才醒。之後盡做，只不過仍然經常逼自己、問自己是咪可以再做多點。我唔知。我總會話係。對於任何機會，我不嬲都 say 咗 yes 先。所以，累 😂。就當是還債吧。每個人在捍衛價值觀時，都要負上不同代價，我只會說：我一啲都無 L 後悔‼️前路，唔知，但咁至過癮。有人就有路，有路就有豐田車（X！夠啦）。最後，Patreon 開台接近一個月，沒有最累，只有更累；繼續多多指教。最最後，飲喇講。