【讀者分享】觀看全集汪精衛外孫女訪問之後 (Patreon)

汪精衛個外孫女其實都幾「坑公」，佢一直話唔係想翻案，但係寫汪精衛一類嘅歷史人物，佢所謂嘅「少為人知」嘅史料，亦都幾蒼白無力。

燒山嘅討論其實算係幾公允。投降保民實屬政治判斷嘅失敗，無論佢嘅真心係咩，歷史評價唔係睇個人做嘅事嘅本心係咩，而係佢實際嘅效果。

「漢奸」呢個標籤當然可以斟酌，亦都充滿咗民族主義色彩，但係面對抗日同世界反法西斯主義戰爭嘅大局，汪精衛嘅政治判斷，已經被歷史證明係錯誤，噉佢就只能夠承受判斷錯誤嘅後果。

何女士再出書將汪精衛一方嘅想法表達，亦都唔足以改變歷史評價。

另外，燒山不愧係才子，佢對史料嘅掌握，提出汪政權過度信任日本人，還有錯信吳四寶等肥己害民嘅「壞人」，以及有「清鄉」等騷擾國民嘅行為。

同埋汪精衛前後不一，先主張要流血抗戰到後嚟見到「必敗」而投降嘅行為，其實講得更加平衡，亦都更加公允。

▶️ 汪精衛孫女何重嘉（四）：感謝顧媚女士見證：請在淪陷區生活過的老人、後人說出真相，不要被政權改寫歷史
https://www.youtube.com/watch?v=WuWGECQAQLs

▶️ 汪精衛孫女何重嘉（三）：外婆陳璧君千古奇冤：一代俠女、才女被醜化為老妖怪
https://www.youtube.com/watch?v=8QGv4CH7xOY

▶️ 汪精衛孫女何重嘉（二）：汪精衛怎可能是漢奸？有甚麼國可以賣？賣國求得甚麼榮？
https://www.youtube.com/watch?v=9GpoHJJFSp0

▶️ 汪精衛孫女何重嘉（一）：陶傑、蕭若元歷史性聯手加持汪精衛手稿出版・「我們一家都是香港人」
https://www.youtube.com/watch?v=zOPvK31YaJM