【讀者分享🇦🇺】海外香港人的競爭力何在? (Patreon)
Content
沈教授,小弟在澳洲多年,對於近日的本族歧視分享,倒有一些不同看法。尤其是近兩年,喺香港唔同界別人士,可能都會積極考慮係咪需要移民,到另外一個地區重新開始。
呢個當然無可厚非。如果我哋去探討香港人嘅競爭力,一般來講,我哋會聽到嘅都係香港人肯搏肯捱,英語能力一般來講都不錯,轉數快,鍾意返工唔怕蝕抵。綜合小弟於澳洲工作大約已經六年,與不同國家以及地區嘅人都曾經合作,究竟是否真係如上述所講,呢啲就係香港人嘅優勢呢?
就說剛才嘅不同範疇,也讓小弟分享一下:
在語文能力方面,香港人由於在年幼時已經開始接觸英語,相比起其他國家,除非該國是以英語為主要語言,否則的確具備一定程度上的優勢。同時間,由於香港的教育制度更着重於書寫而非會話,畢竟以英語溝通的機會相對較少,除非就讀國際學校,又或者在職場上是精英階層需要與各國溝通,一般來講,香港人的英語書寫及閱讀能力,是絕對在國際上是數一數二的;在會話能力方面,依我來看,進步的空間還是很大,如果十分滿分嘅話,香港人嘅英語會話能力,大約六至七分左右。
香港人食腦,轉數也高,最緊要嘅係,肯搏肯捱,呢個好重要。當香港人移民到一個完全唔熟悉嘅陌生環境,要重新開始,香港人柔韌度高,適應能力強,好多都轉行或者自己做生意。好老實,在大內宣中那種「到外國開餐館洗大餅只可以做二等公民」的年代已經過去,今天,香港人到任何一個地方去,都能進入各行各業,總之把握機會,便能找到出路,真正百花齊放。
過去一年,也協助過不少香港人找工作,也請了不少。他們在香港都各自擁有不同的專業,也因為不同的原因而來到澳洲。有空姐和空中少爺,最後成為了零售店舖的店長,有曾經在大機構擔任文職的,現在是製造業流水線工人,也有在香港原本是工程師,來到這裏重新學習成為了一個buiIder,又或者考番個咖啡師牌,走去沖咖啡,亦有從前在香港是教書的,在澳洲成為了出色的sales。我比較幸運,能夠找回自己的專業,在人事工作上繼續發展。 我認識的很多不同行業裏的雇主,都會歡迎香港人,不僅是因為他們勤力,「我哋真係好鬼鍾意返工」係座右銘,香港人出名工作態度良好,值得信任,而且任勞任怨,唔似某啲地區嘅出產,經常扭計自以為是。有雇主甚至坦言,佢最鍾意請香港人,因為知道香港人做嘢一定冇甩拖。
香港人亦都好多時候冇其他人咁計較,可能我哋真係習慣咗全力以赴,係咩時候,呢啲嘅質素就能夠充分展現出嚟呢?好多時候就係發生問題之時。我自己嘅經歷好簡單,一有咩事,係邊一間公司都好,願意留低幫手,唔太計較嘅,基礎上都係香港人。
也有一些朋友,他們身在澳洲,也不斷接一些香港的工作來做,例如會計、遙距IT support,甚至翻譯文章,編寫程式等等,亦有做freelance contractor,總之就百花齊放,在各行各業都能夠搵到香港人嘅蹤跡。
都係一句,香港人,只要我哋肯,冇咩係唔得嘅。這便是我們的競爭力。