【Podcast：隨緣家書🇭🇰】懷念黃金時代嘅真香港：獻畀阿斯嘉嘅挽歌 (Patreon)

我哋真係好撚鍾意香港。但係呢個香港，究竟係點樣嘅香港？喺我讀緊書嘅九十年代，中國高壓嗰一套尚未到來，鄧小平話香港人嗰種「馬馬虎虎的愛國主義」，依然可以過關。大眾去完六四晚會、又會捐錢華東水災賑災。呢種身份認同，對香港以外嘅人嚟講，係好匪夷所思。與此同時，英國六十年代前嘅貪污腐敗早已遠去，殖民地變成引進民主自由法治嘅先驅。警察忽然成為亞洲最佳，一切都顛覆咗對「帝國主義」嘅想像。香港喺全球冷戰大變局嘅亂世，居然變咗做個避風港。由於無人理會、無人干涉，表面上，既愛「帝國」、又愛「祖國」、更愛自己，反而充滿自由。回望今日，即使係千禧後最思潮澎湃嘅過去幾年，亦都及不上阿斯嘉黃金時代嘅百花齊放。無論左中右，由「一國一制」到「歸英」到「民主回歸」到「港獨」，都可以暢所欲言，而且相互之間，仲可以一齊打麻將。呢種文化遺產，而家只能響時間廊回味......  

▶️YouTube:  https://www.youtube.com/watch?v=cOOPPqo_ffE

⏺全文見Patreon https://www.patreon.com/posts/47324193​