【Patreon讀者分享🇳🇿】紐西蘭女總理的中國聯繫 (Patreon)
Content
以下分享來自一位紐西蘭香港人網友,我在紐西蘭時曾見過一面。其實中國封殺澳洲期間,紐西蘭是中國的重點拉攏(分化)對象。對網友的觀察是否認同,熟悉當地的朋友請隨便討論。
-------------------------------
小弟係1993年跟隨父母移民嚟紐西蘭,受惠於當時國家黨嘅投資移民計劃,當時投資移民嘅門檻比而家低好多,所以我哋屋企把握到移民機會。小弟係奥大主修媒學,期間亦修讀過紐西蘭政治學同社會學,所以小弟對於紐西蘭政治同社會嘅觸覺,比一般居紐港人強。
嚟咗紐西蘭就快30年,每一次大選我都有投票,我第一次見到咁恐怖嘅紐西蘭大選,我起初以為係假消息、假新聞同假民意。點解三年前珍仙達・阿德恩(Jacinda Ardern,今年四十歲)上台之後,國家黨同特朗普都俾紐西蘭全國上下七日24小時日日狂轟猛炸?
阿德恩出生於1980年7月26日,出生於咸美頓市(距離奧克蘭大約兩小時車程),喺摩門教家庭長大,2001年懷卡託大學畢業,主修政治及公共關係溝通學。曾經做過英國前總理貝利亞嘅政治顧問,2008年當選國際共青團主席,同年阿德恩首次進入紐西蘭國會。祖迪芙・歌蓮斯生於1959年2月24日,出生地點同阿德恩一樣都係咸美頓市,2002年首次進入國會,進入國會前係一名律師。
亞德恩之前,國家黨猶太裔總理約翰基(John Key),基哥曾經係外滙交易員,崇上自由經濟主義低稅率低福利,喺佢領導之下,國家黨強足九年。基哥之前工黨嘅海倫克拉克出名經濟掛帥扮左膠。工黨變成真左膠,係海倫克拉克退出紐西蘭政壇之後。
亞德恩嘅支持者,一直指責約翰基只係識減稅減福利製造貧富懸殊,國家外債增加,另外仲縮減奥克蘭以外其他地區嘅基建投資。所以阿德恩上台後,一直推行相反嘅政策,所以工黨喺今次大選入面,奧克蘭(佔全國大約1/3人口)以外地區大穫全勝。
唔少Kiwi,特別係年青一代嘅Kiwi,相信工黨冇舐共。相反國家黨就俾紐西蘭國內各大小勢力媒體同網民鋪天蓋地狂轟猛炸咗三年,指責佢哋舐共,難道國家黨在枱底下做咗好多仆街嘢,令到全國上下人神共憤?
其實亞德恩黨內,大選前亦不乏政治醜聞,最經典一宗是前移民部長伊安。李哥路為(Ian Lee-Galloway)被在野國家黨黨魁歌蓮斯發現不洽當、不健康及安全使用辦工室(實際係咸濕局長同同事係國會辦公室內發生性行為),歌蓮斯發現事件後,直接向亞德恩舉報,亞德恩不得不開除李哥路為。
國家黨大選還一直遇到呃運,歌蓮斯上任前,國家黨因為民望太低,連續換咗兩次黨魁,亦改變唔到劣勢。
一位喺選舉辯論期間,對住媒體大膽承認自己年輕時吸食過大麻,亞德恩提倡大麻合法化、墮胎、安樂死同監犯有投票權,更親口爆出金句:「我嘅政策唔係失敗,只係唔成功!」但居然係紐西蘭選舉大勝,仲聲稱自己係代表紐西蘭嘅未來。
提返前三年,我覺得亞德恩不單冇過啲乜嘢幫香港人,實際上佢係刁難香港人移民嚟紐西蘭。但係好奇怪,紐西蘭大選之前,《蘋果日報》出咗個新聞讚佢。對家一直批評亞德恩唔係實事求是缺政治經驗,競選承諾誇張失實,欠真正政積;亞德恩不斷重覆佢會解決紐西蘭嘅房屋問題,但係佢在任期間紐西蘭房價屢創新高。歌蓮斯喺辯論期間,表現出實幹成熟穩重經驗老到嘅政客。但係冇辦法,選舉結果出咗嚟,紐西蘭只係想要一個feel good嘅國家領導人。
雖然小弟對呢班左膠女性壟斷紐西蘭政治有意見。但係今年紐西蘭大選美妙之處,在於和平地完成咗當地嘅時代革命,踢走晒好多男性老白人議員,紐西蘭年青人只要遵守選舉嘅遊戲規則,就可以趕走政治老人,無需要上街進行過度激烈嘅社會運動、抗爭或暴力。
然而,紐西蘭選民已經表咗態堅決要行左傾左膠路線,你話仲邊度有香港人惗移民嚟?提返前三年,我亞德恩除咗出口術,根本冇做過啲乜嘢幫香港人,工黨亦從來未捧過一個居紐港人做議員,紐西蘭工黨所有華人議員都係來自中國大陸。每一次大選啱啱完結之後,都係種票時候,阿德恩會否開恩幫助黃絲香港人移民紐西蘭,定靜靜雞雞渗大陸人入嚟或變成藍絲天堂,呢個只能夠拭目以待。