【讀者分享 🇬🇧】 英國政壇觀察：Be Careful What You Wish For...... （下） (Patreon)

三】、Reform ：下一次大選先係英國政治最大分水嶺

十幾年來，通常係左派被鎅票。比如說19年工黨左傾，中間選民走向自由民主黨，加上Boris打入咗全球一體化下犧牲了的傳統工黨重鎮。做成Corbyn慘敗下台，之後工黨先洗心革面向中間靠穩。

看看歐洲政治靠右係大勢所趨。英國因為脫歐，所以慢咗半拍。呢次大選之後，保守黨會唔會重蹈工黨的覆轍？先向極右傾斜，慘敗，再找個中間派。

還是Farage以一人「魅力」打破恆久嘅結構？

從前一個素人奢望在沒有黨的選舉機器幫助下當選，是難過登天 。Donald Trump完美示範善用互聯網打破咗呢個定局。

如果Farage純粹係外邊搞局，只會助長工黨長期執政 。因為係相比Boris，Farage太多地方入唔到屋，尤其是傳統建制Shire 地區。

如果入侵保守黨，Farage是否有能力反客為主？不要睇小保守黨的求生能力，在非總統制底下，強如Boris也未能隻手遮天，在英國好難複製Trump 級數的政治號召力。

問題是此刻Reform的16%民調，到底有幾多係 Protest Vote，還是因為反移民、反精英、反建制，真心跳船。

另一變數就是精英派嘅傳媒，對Farage會否放下白眼為他抬橋。

五年後邊個會成為最大嘅贏家？ 還是英國步向撕裂嘅時代？

四、後話

Farage無論用Reform大展拳腳，定係入侵保守黨再成功上位，可以預料到嘅就係民族主義嘅抬頭 。

你淨係睇睇諾曼第登陸紀念日Sunak早退嘅大龍鳳，Farage批評Sunak唔明白「我哋嘅文化」的言論，同類型嘅煽動將來會越來越多 。

英國的香港人真係要睇清楚Reform係代表啲乜，唔好以為煽動嘅Language啲冇影響。要是他朝傳媒向極右靠攏。到時Reform候選人有什麼種族歧視嘅言論， 那個被發現是BNP嘅成員。一切將會是小兒科 。

如果自詡是「高級華人」，民族主義唔會影響到你， 可以參考在英國歐洲人的呢幾年心路歷程 。

我記得脫歐公投後，一個英國出生波蘭裔學生被其他同學問佢幾時會被遣返 。某些國家從小灌輸排外情緒的成績是有目共睹。

Be Careful what you wish for.

⏺ 保守黨 Vs 改革黨：英國大選討論（四之一）
https://www.patreon.com/posts/106982182