美國科技股散散地．SnowFlake大過IBM，葡萄牙債息變負數，ESG最低嘅股票先升得多．「點解我冇言論自由」。如何修正貧富懸殊？有疫苗後Zoom點算？ 拎保就業拎到出盈喜。欣葉台菜。越春真牛肉湯粉。檀島 (Patreon)

快評兩句—美國科技股散散地

每日一圖—SnowFlake大過IBM，葡萄牙債息變負數，ESG最低嘅股票先升得多

Good Read— 「點解我冇言論自由」。如何修正貧富懸殊？有疫苗後Zoom點算？

FB Post Summary— 拎保就業拎到出盈喜。欣葉台菜。越春真牛肉湯粉。檀島

繼續隔離中，工作效率低落，亦可能因為食多咗食嘢文，罪過。BTW，南方東英有隻新嘢今日出，有興趣留意下，算係我幫朋友。恒生科技指數嘅兩倍正向（7226）同兩倍反向（7552）ETF。

快評兩句—美國科技股散散地

如題，見到星期三晚真係忽然急跌。冇乜特別原因，明明開市時都仲好地地，可能都係因為估值。特係冇盈利嗰啲（例如Tesla，SnowFlake之類跌得勁）。Tesla照計未必咁快死得，但之前買咗嘅睇緊啲了。

當然只係一日嘅調整唔代表乜，甚至跌多10%都未算真係轉勢，但的確要睇緊啲。然後亦記唔記得早排先講過，Facebook上開始一街股神？一路都覺得去到呢啲位要小心啲，但當然不能清倉。

每日一圖— SnowFlake大過IBM，葡萄牙債息變負數，ESG最低嘅股票先升得多

SnowFlake大過IBM—呢隻半新股市值已經1200億，大過IBM。不過IBM收入740億，SnowFlake係……6億

葡萄牙債息變負數—真係葡萄零。新聞寫歐元區只有西班牙，意大利同希臘嘅債息仲係正數。話口未完，意大利都變埋負數，真係意零谷。

ESG最低嘅股票先升得多—哈哈，殺人放火金腰帶。好多推ESG嘅人都會拎啲研究講高ESG嘅公司回報好啲。但至少今年唔係，最低嗰啲先升得最勁。

Good Read— 「點解我冇言論自由」。如何修正貧富懸殊？有疫苗後Zoom點算？

今日幾篇都好嘢

「點解我冇言論自由」—大課題，亦係我一路諗同講嘅嘢。到底點先叫「滅聲」？好多話畀人「滅聲」嘅照樣日日可以話自己畀人「滅聲」。而面對你覺得冒犯嘅言論，乜嘢反應先係可接受？十分好睇嘅文。

如何修正貧富懸殊？—更加high level 嘅嘢！搞得掂真係拎諾貝爾獎。相當長，Peterson Institute for International Economics嘅大作。冇心機嘅，只係睇啲圖都夠。

有疫苗後Zoom點算？—如題。但唔好只係太過武斷太過二元，一啲人就覺得「疫情後大家習慣咗視像就唔會見面」，但另一班人就覺得「人同人嘅本質都係想見面」。文入面幫你比較深度咁分析

FB Post Summary— 拎保就業拎到出盈喜，欣葉台菜，越春真牛肉湯粉，檀島

繼續都係貼嘢食多，但會講到其他嘢，齋講嘢食嘅唔貼了

拎保就業拎到出盈喜—就係日本城母企國際家居零售1373，拎保就業拎到出盈喜。不過公司就算唔拎政府津貼，盈利都升50%。又個業主睇到後係咪好後悔減租呢？

欣葉台菜—好似條link都只係睇到相睇唔到文，自己上返FB Page 睇吧，或者睇instagram．又一間日本人好鍾意去嘅台北餐廳，兼講杏仁豆腐

越春真牛肉湯粉—越南朋友介紹，越南人開。然後討論下所謂「正宗」，「跟當地人搵食」嘅問題

檀島灘岸點點燐光—冇錯係香港嗰間檀島，香港真係劣食，但台北又另一回事。其實除咗個名同蛋撻一樣外，好多嘢都唔似。我都係食蝦餃燒賣叉燒包