飯局 (Patreon)

特首竟然要為三個高官私人聚會解畫，已經相當離奇，不禁令人想像到究竟呢場飯局背後有幾大陰謀！但整個解畫荒謬到一個點，特首話佢哋受邀請以為自己會去一個私人地方！ ！ ！話佢哋預先見唔到菜牌！ ！ ！話佢哋唔想見到鮑魚嗰刻即刻走！ ！ ！咁點解唔解釋埋個私人聚會有上市公司高層在席呢？！

其實我都唔想講得咁複雜，我以我自己作家身份為例，若果有人邀請過我一個飯局，我都必定會問清楚去邊度食，位置？地點情況？ dress code ？可唔可以帶朋友去？通通都會事先了解清楚！第二，我必定會問清楚呢場飯局在席有乜嘢人，以免產生尷尬，例如有冇啲我唔喜歡嘅人，或者唔喜歡我嘅人等等；又舉個例子，若果在席有明報出版社嘅人，為免我天地出版社嘅人誤會，我都會避免出席等等！第三，呢餐飯嘅價值分量我都必定會問清楚，若果係大魚大肉豪華宴會，我都要帶定禮物例如紅酒即時做回禮等等，點可能事先唔問清楚詐諦唔知道？況且仲要係香港政府三個最重要嘅高官，你哋咪玩啦！啲大話真係作得太過小學生！個劇本寫好啲好冇！