關於壹週刊的命運 (Patreon)

關於整個一集團嘅命運相信呢兩三日會有定案，但其實對於我係壹週刊嘅作者來講真係充滿矛盾，首先我幫緊佢寫嘅專欄仲寫緊，我依家有篇文都未send俾佢，我早幾日問我老總，壹週刊會唔會執，當時佢嘅說法係應該唔會，因為就算蘋果日報執笠壹週刊同北美洲嘅蘋果日報都繼續可以運作！仲叫我有稿可以繼續交，到琴日老總嘅說法有啲改變，佢話若果董事局係星期五一次過執晒所有嘢，都冇辦法，而啱啱壹週刊社長出咗篇野，語帶相關講到都預咗會撤退，即係可能都預咗壹周刊都會執埋！對於我呢種作者嘅生存空間，壹週刊執埋之後，我就徹底冇公開場合發表文章！悲！