《突襲安全區》 (Patreon)

尋日同老友港台主持Zeno睇完電影《突襲安全區》優先場，簡直覺得金球獎同埋奧斯卡都應該俾佢攞獎囉！我覺得冇獎攞純粹係政治問題，因為呢套戲係近20年都極少接觸嘅敏感戰爭主題：波斯尼亞大屠殺，劇本寫得好好，以一個幫聯合國做翻譯嘅波斯尼亞女人做主線，佢親自睇到成個聯合國嘅腐敗及無能，令到當時塞爾維亞軍人可以直接喺聯合國嘅保護城市斯雷布雷尼察城眼皮下，直接攻入城中屠殺波斯尼亞人，再喺聯合國眼皮下，進入聯合國設施，一車一車運走波斯尼亞平民並進行屠殺，聯合國冇反應係等同默認准許塞爾維亞人進行滅絕大屠殺！電影劇情寫得好緊湊，絕對冇賣弄戰爭悲情！但當然我都好擔心，呢一類遠離香港嘅戰爭片，一般香港人都係冇呢個質素去觀看，加上我覺得電影公司個中文戲名改得唔好，《突襲安全區》其實引唔到香港觀眾注意，我覺得應該直接改做《波斯尼亞大屠殺》吸香港人眼球！

#多謝vilpillars電影公司邀請

#突襲安全區