所謂主持 (Patreon)

其實我發覺依家啲所謂主持真係嚇撚死你，今朝早聽香港電台第一台十萬八千里，專責講述國際新聞嘅節目，兩個主持可以一開始話近期巴基斯坦芒果開始成熟對外售賣，但係因為過去一年疫情令到飛機運輸少咗，各地銷售量比較少，突然間又話近期巴基斯坦芒果好多運咗去阿聯酋，而且係用名車送貨，主持話因為佢哋由巴基斯坦用陸路運過去......！吓！WTF！巴基斯坦陸路運去阿聯酋，地理上係得嘅，但國際政治上，你話俾我聽架貨車或者火車，由巴基斯坦出發經過伊朗再經過伊拉克再轉返去沙地阿拉伯再轉入阿聯酋，真係得？有冇常識嫁？！痴線！稍稍有知識嘅都知道，巴基斯坦會將啲芒果運上卡拉奇啲貨船，一條短短航線就到達阿聯酋！聽到佢哋講嘢真係好撚驚！