「海霧」影評 (Patreon)

爛！爛！爛！爛！爛！爛！爛！要俾7個爛尼套台灣恐怖片「海霧」！之前見過有影評寫：「冇諗過台灣可以拍得出咁有質素嘅恐怖片！」一係呢個影評寫反話，一係呢個影評本身係盲嘅！🙄

我首先都唔講啲特技，仲差過70年代；個劇本真係幼稚園都寫唔出，一開始個男主角老婆難產死咗，五年後個女五歲竟然識得同我老竇講：「你應承咗阿媽唔好賭錢㗎 ！」吓！個女出世嗰刻佢阿媽已經死咗㗎喇喎，隻鬼同個女講嘢呀？！

之後明明出現嗰幾隻係變種嘅蟹怪，所有人都叫佢做蜘蛛！隻蟹仲要識吐絲結繭，個導演同編劇使唔使去上一堂生物課先？！

負責同船上邊處理走私嘅秘密女人，最尾突然間變咗記者！個編劇係咪精神失常？！

當所有人見到第一次大怪獸出現之後，個個都鎮定到當冇事發生咁！

呢套戲70年代播都已經會攞硬爛蕃茄奬！今時今日台灣仲拍得出呢啲片，簡直係奇蹟！