周守仁候任主教記者會觀後感 (Patreon)

啱啱睇完新候任主教周守仁嘅記者會，事前都已經冇任何期望，但見呢個周神父答記者嘢，都非常非常非常保守，內容大部份都係模棱兩可，問到六四會唔會遊行集會？話自己要守法！講咗好多次關於要了解年輕人，當有記者問到佢點樣令到在獄中嘅年輕人得到支援，佢話好感恩獄中有好多年輕人信咗佛或者信咗基督信仰，開始反省自己！即係佢認為年輕人有錯啦！當問到同北京關係，大陸拆十字架等等，又話同北京嘅嘢交返俾梵蒂岡，又話其他嘢感覺唔好但係可能背後有故事，仲要一次又一次講到明大陸嘅天主教並非隸屬羅馬，暗示佢哋唔會管！

仲要成個記者招待會好嘢都冇任何記者問梵蒂岡同香港教區過去幾十年，秘密派遣嘅地下傳道團、地下教會、秘密任命主教等等嘅事，有幾多神父修女同主教係被非法扣留及被失蹤！周神父真係一啲都唔覺得有問題咩？講真耶穌會嘅人都一向不問世事㗎啦，唔好理政治，你知佢做主教真係唔會帶任何期望！衰啲講可能會失望添！

不過我又唔係天主教徒，關我叉事咩！香港啲天主教徒都冇人理，我理做乜把鬼！

以前做主教，係要捍衛宗教價值、為正義而發聲..........依家做主教，係要避免衝突、做人圓滑、唔得得失極權政府！唉！你仲話呢個係天主嘅意思！呢個點會唔係末世！🙄

#耶穌真係咁諗？

#末日快啲嚟到喇