濁水漂流 (Patreon)

尋晚同港台主持我老友Zeno去睇咗一套超級有誠意嘅港產片優先場，片名叫做「濁水漂流」！整個團隊毫無保留地寫實地展現香港無家可歸者嘅真實情況，包括毫無掩飾地展示香港政府點樣無情無理打壓呢班完全冇反抗能力嘅香港最低下階層！睇得出每一位演員都好落力，尤其是吳鎮宇，佢作為出品人之一，電影公司同事同我講，佢拍攝期間真係走咗去混入真實無家可歸者之中了解他們生活情況！而大家都認同嗰句，依家可以拍攝到鬧政府嘅電影已經好難、電影院上到都好難、他日觀眾可能甚至唔可以睇！所以呢套清流般嘅港產片，大家希望可以多啲關注，因為絕對唔係一般商業電影，真心覺得係一套值得讚賞嘅港產片！

Ps電影公司同事同我講，呢套戲係喺2019年社會運動期間拍攝，當中好多場拍攝途中，附近已經俾警方重重包圍，而且佔用唔少公家地拍攝，成套戲係鬧政府，可能而家冇可能再拍！

#6月3日上映

#希望上得到不被打壓