複製人徐福（影評） (Patreon)

其實我明知呢啲南韓片都係有啲伏㗎啦！但我頭先都係衝咗去睇「複製人徐福」......真係好撚悶！兩次想瞓！😌

真係冇計，因為佢係科幻片，本質我已經想去睇㗎啦！但劇本寫得衰，情節拖得慢，仲要無啦啦做啲完全唔聯繫嘅煽情位！好南韓囉，而且講好鬼多嘢，頂唔順！

頂多我可以話套戲再次帶出一個人生哲學問題，到底人類面對死亡係咪應該害怕呢？人若果永生係咪反而對人類冇益處呢？或者不死嘅徐福其實寧願死！呢個係人類永恆嘅哲學問題！

反而我想講多一個位，韓國人對於秦始皇時代呢個徐福嘅人物實在係非常熟悉， 90年代尾，我哋南韓旅遊局邀請去濟州島旅行，濟州島南邊有個地方叫「西歸浦」，個名就係同徐福有關，相傳秦始皇派徐福帶着人員係經過濟州島南邊去咗日本，回程在經過同一地點返咗秦國，所以我哋名叫做西歸浦！若果根據呢個傳說，徐福最終係返咗去㗎！

Btw套戲應該都係為咗拍俾啲啲靚妹去追南韓明星！