最佳唱演會Rubberband (Patreon)

尋晚去睇Rubberband 係近年睇過編排最好，氣氛又最好的一個演唱會，而且係個完完全全屬於香港人嘅演唱會！正到爆！

坦白講，我係早前有內部認購嘅時候購買左兩張$580，我原本諗住唔敢買$780 ，係因為唔想坐最前邊，唔想一嚟就企足全場我依家真係冇咁嘅能力！點知$580真係原來已經坐到上山頂！有少少失望，但係上邊睇落全個演唱會佈置又非常之靚！而最諷刺係，真係一開場連山頂都企晒起身，咁我都企囉！不過全晚我都非常之開心，可能大家真係餓演唱會餓過咗好耐，加上佢哋真係完全貼近香港，而且幾肯定係黃，like到爆！仲記得2012年12月我喺商台自己寫嘅廣播劇，當時係向所有末日動畫漫畫電影致敬嘅廣播劇，最尾大結局我就係用RubberBand歌作結！

而我尋日搵我老友港台主持Zeno一齊睇真係冇做錯決定，原來佢真係超級粉絲，所有每一首歌都識唱一齊唱，我真係冇呢個能力！整體上呢個係其中一個我認為睇過最好嘅演唱會之一！今晚最後一場啦，原本琴晚係㗎！下次佢哋開show，再睇！