香港當今審查年代 (Patreon)

話說我同某個傳媒機構，都唔係刻意但係都特登做咗個實驗，就係睇吓究竟郵政署內部有冇進行信件嘅審查，咁相關記者朋友就大概10日前，寄咗呢張寫上敏感字句嘅明信片比我，上面寫着「光脫時代變革香港」！但原本香港本土寄一張明信片去我尖沙咀郵箱，兩日就到㗎喇，但竟然要過咗10日先收到！最初仲以為佢哋真係會扣留呢張明信片唔准寄過嚟，若果我最終收唔到，佢哋就開始做新聞㗎啦！但係要成10日先收到你真係唔好話俾我聽當中冇審查明信片內容囉！