Home Artists Posts Import Register

Content

「另異新聞」:近日英國一位醫生指出市面上的咖啡粉大多含有一定比例「曱甴等生物」,建議對蟑螂過敏的人應避免飲用咖啡粉。結果,不少網民都被這個冷知識震驚到,更崩潰地表示:「我的生活毀了...」

外電報道,英國國民保健署(NHS)醫生 Karan Raj 在一條片中表示,大部分在商店買到的咖啡粉都會含有曱甴,因爲很難將它們完全去除。所以,生産商很多時會讓它們跟咖啡豆一起烘烤、磨碎。所以,一些在咖啡加工行業工作的人會因爲經常接觸咖啡豆而對曱甴過敏。正因爲如此,他建議對曱甴過敏的人遠離已磨好的咖啡粉。但除此之外,他強調食用曱甴其實安全的,畢竟曱甴蛋白質含量很高,而且不會對人體帶來太大危害。

Raj 亦補充,指多數食物權威機構都允許食物中含有一定比例的昆蟲,讓大家不要擔心。但是網民的反應就很直接,不少人都十分崩潰,留言說:「我的生活毀了...」、「我一直在喝這輩子最害怕的生物?」.......亦有咖啡愛好者留言,笑說:「我從來不知道蟑螂原來這麼好味」、「反正我是絕對不會放棄飲咖啡」!


Comments

Anonymous

雲海日日食曱甴?! ICAC 請人飯曱甴! 警察話市民係曱甴,仲要日日食用! 我今朝先飲完曱甴茶! 😔

Anonymous

買原豆自己磨粉就會冇昆蟲?另類促銷? 利申,平時飲開即沖或罐裝

Anonymous

個醫生真係唔識架喎, 清洗原料去除雜質包括昆蟲係用機器 Step 1 就做, 咁當然偶然會有漏網啦, 屋企阿媽煮飯都偶然有啲洗唔乾淨啦, 唔駛咁樣特別強調有曱甴喎。 利申: 食品業

Anonymous

我支持每日at least 1啡!

Anonymous

就算唔係咖啡粉有漏網之魚走入去,好多護膚品、化妝品直頭製造材料就係有曱甴。

Anonymous

有好少好少昆蟲唔出奇,即使飲左少少都唔會有咩問題。只是心理上唔好。

Anonymous

咖啡粉有曱甴成份唔意外,因化妝產品都有好多㖭,尤其係唇膏,哈哈😂😂

Anonymous

正喎,唔好再飲貓屎咖啡,飲曱甴咖啡啦!

Anonymous

我接受到喎☕️飲杯

Jasmine Chu

最緊要尐曱甴無畀殺蟲水噴過

Anonymous

會飲肥人

Anonymous

其實所有 穀類食品都有昆蟲屍體係入面,只要唔多過某個比例都合法