再見棉花糖 (Patreon)

講一個小故事比大家聽，話說呢隻白貓叫做棉花糖，我其實一次都未親身見過佢；棉花糖本身係一隻流浪貓，早期因為一個商台舊同事餵流浪貓嘅時候見到佢，餵咗幾次之後就被收養左喺舊同事屋企，冇耐佢又出返去流浪生活，後來可能比野撞親，隻腳就受咗傷，舊同事就將佢抱返屋企養！並且喺Facebook裏面講有冇人資助幫佢睇醫生，我就傳咗錢俾舊同事大概$6500 ，俾佢睇醫生，棉花糖就一直住喺我舊同事屋企，過咗幾個月，棉花糖就出現四腳冇力，食又食唔到，經常昏迷嘅狀態，醫生後來話俾佢聽可能當日係佢小腦受傷，曾經醫生認為佢好快就會唔喺度但係呢隻貓生命力好強，捱下捱下，就由2014年捱到今年，但或者棉花糖需要喺另一個世界啦，所以琴日收到消息，小白貓終於係琴日離開人世，去咗彩虹橋啦！舊同事都話我同隻貓都有啲緣份，只不過係我從來都冇見過佢，只係經常喺Facebook見到佢，可能點都同上世有啲緣份掛！棉花糖你就喺彩虹橋幫我搵吓我隻小黑貓啦，下世再同你地一齊玩！