細細個就...... (Patreon)

睇到Cuson呢個漫畫，當然好有共鳴啦！不知試過幾多萬次啲人話：「我細細個就睇你啲書㗎啦！」「我細細個就聽你做節目㗎啦！」

而令我最不堪係，早年，由於我好鍾意周國賢，所以喺電台遇見佢決定唔主動接觸佢，因為想保持一個偶像嘅距離！當年做緊摩星嶺，我個拍檔知道之後，某日周國賢啱啱做完訪問喺走廊，佢就特登捉我去同周國賢傾偈，而周國賢第一句講嘅係：「我爸爸有睇開你啲書㗎！」我面部保持笑容，但我心臟好似俾支長矛插穿左咁.....而我嘅仆街拍檔就喺隔離笑到趴地！