近日一個政壇小故事 (Patreon)

近排喺政壇圈中聽到個小故事，消息話呢段說話係來自一個政黨嘅領袖！話說佢同啲細嘅講，某一位泛民嘅議員，喺民調決定留任唔留任之前，就大大聲好肯定咁堅持點都要留任繼續做落去！但係當大家決定留任嘅時候，佢就突然間決定唔留啦！尼位政黨領袖覺得好憤怒！

當大家聽到呢件事，由於相關領袖又冇指名道姓，咁大家就喺度估到底係邊個呢？如果睇返，最終冇留任嘅泛民議員就只有三個，一個係朱凱廸、一個係陳志全、一個係陳淑莊！首先，朱凱廸同陳志全一早就話咗點都唔留任應該唔係佢哋，唔通佢講緊陳淑莊！定係根本係呢個政治領袖講大話呢？咁就不得而知啦！