是不是善終？ (Patreon)

早兩日同個社工老友食飯，他從事老人服務工作多年，見盡人生百態！

近月因為疫情，出現的新情況是，許多子女因隔離政策不能探望老人家。早個月他手上一位老人家，已經106歲！因為有些不舒服進了醫院，但不是武肺，由於他四名子女也在外國，而沒法趕回來、

某天老人家躺在病床上，還算精神地跟一位身在外國的兒子傾著電話，忽然像Matrix unplug咁突然死咗！醫護人員還要在電話告訴兒子你父親剛才突然死了！真係戲劇性到爆廠！

由於我老友係老人家嘅社工，就要接手處理佢嘅身後事，老人家四名子女都因為疫症問題而無返香港（算唔算係藉口呢？）到火化嗰日，只有四個人出席，包括我朋友、另一位社工、長期照顧佢嘅菲傭、同埋另一位工作人員！仲要撳嗰個掣入火化爐係另一位社工，在場冇任何老人家嘅親戚朋友！之後佢哋仲要將骨灰安排放喺之前已經一早申請好嘅天主教墳場.....總之由老人家發病都落葬，身邊冇任何兒女朋友親戚！呢個算唔算係善終呢？！大家點睇？

Ps我真係唔想咁長命囉！