今日一個詭異的尋人廣告 (Patreon)

今日蘋果日報有個好離奇嘅尋人廣告，係某一班天主教徒以尋人廣告為名，質疑一位羅神父比較區滅聲！

起初我仲以為係羅國輝神父，後來我問清楚原來相關神父叫做羅敬業，因為我並唔認識嘅神父！但再問清楚背景之後，我覺得更加玄疑詭秘！

首先羅敬業嘅背景係，佢本身以前係聖公會嘅教徒，後來做咗聖公會叛徒，轉咗會去香港天主教，後來仲進入咗天主教修院，最終成為咗天主教嘅神父！

根據而家喺天主教裏面嘅人員同我講，呢位羅神父一向都敢言，經常喺網絡上邊高調支持教會要參與多啲社會運動，為正義而發聲，而且曾經高調表明若果唔認同教會嘅參與社會情況，教友唔應該留喺天主教會！而且佢經常喺基督新教嘅各個網站，回應其他人對天主教嘅評價，當然佢從來都冇喺我嘅範圍裏邊留個言或者聯絡過我！

早排佢「失蹤」之後，曾經回應過事件如下：

「回應樓主的關心，本人並無因言論被「雪藏」，而且我發表了哪些公義的言論值得被教會「青睞」？印象中其他神父比本人走得更前，説得更多，而我只是小薯而已。本人本不想作任何回應，但各位「大作家」的臆測，已經去到爐火純青的至高境界，不欲誤會越滾越大，請各位高抬貴手。我純粹因過去一段時間牧民工作扯得太盡，身心俱疲，需要一些時間重整身心而已。「健康理由」唔一定是身患重病、絕症，也包括身心健康，唔通大家想神父做到暴斃嗎？前車可鑑，以前曾有前輩身體不適而退下火線，本人只是為自己健康著想。避靜是真的，而暫停工作休養生息正是經過祈禱之後的決定。」

但令我最覺得不尋常嘅地方係，雖然佢係過去呢場社會運動裏邊，係企喺黃色陣營呢邊，但係佢本身天主教立場有原來企喺湯漢同蔡惠民嗰邊，因為佢學習做神父嘅時期就係跟呢兩個人！

咁會唔會真係香港教區湯漢勢力範圍內，希望羅敬業收聲呢？！