巧遇旅遊達人 (Patreon)

早幾日約了出版社編輯上觀塘孤嗎Café ，咁啱遇上Zeno約咗個旅遊達人食飯傾偈，一問之下，原來就係因疫情被困四個月南美洲的那個年輕人（之前聽聞過）

聽佢簡單演繹都笑爆嘴！佢叫Auto，佢backpack 環遊世界途中，去到南美洲玻利維亞一個小城市嘅時候，當地就開始爆發武漢肺炎，好快地就封城封國，佢住嘅hostel，最初都有幾十人一齊，但已經好迅速走剩佢同一個老人家，由於冇飛機冇交通，Auto被困當中，政府唔准遊客去觀光，唔准佢哋離開hostel，一個禮拜只可以去超市買日用品！

四個月喺個hostel，我覺得人都癲囉！佢話同個老人家乜都講晒㗎啦，加上個老人家亦都好早瞓，即係等於佢自己一個捱四個月！慶幸嘅係hostel仲有Wi-Fi，所以佢呢四個月時間，睇咗30套Netflix嘅電視劇！

呢個年輕人其實本身都幾得意，我決定遲啲搵佢上「格羅茲尼」訪問一下！