這個時代的學生 (Patreon)

近期同個年輕人傾偈，佢啱啱今年大學畢業。咁我問佢：「咁係唔係因為疫情而冇咗畢業禮㗎啦？」佢話：「係呀！不過我完全冇感覺㗎！」咁我就問佢點解啦！個答案唔知應該好笑定感慨！

佢話俾我聽小學畢業嗰年撞到禽流感，取消晒畢業禮，中學畢業嗰年佔中，攞完畢業證書所有同學已經去咗佔中冇人參加畢業禮包括佢自己！到而家大學畢業又遇上武漢肺炎又冇咗畢業禮！

呢一代年輕人簡直見證大時代啦！問心，想去畢業禮除咗影幅相，其實意義都不大！人生意義重要啲！