無線無耻好早就係咁 (Patreon)

早兩日同一個黃到金嘅朋友食飯，佢佔中之前已經係思想反政府返中共嘅香港人！

佢就講返一件笑死我哋嘅事俾大家聽，話說十幾年前無線因為見佢手工裝修做得唔錯，主動要請佢進入無線嘅「特工組」！工？！無線有特工咁犀利！原來所謂特工組就係特別工程道具組！屌！笑死！

咁佢話當年其實啲上司都知道佢嘅立場，但冇諗過嗰陣時都唔係而家分黃藍，佢就六月頭同上司請一日假，話到明6月3號嗰日要去維園幫手做義工，幫手現場安裝等等！佢話諗都諗唔到竟然無線接受唔到，喺6月4號朝頭早返到公司就決定炒咗佢！

原來早在10幾年前你自己請假去幫手做義工，關於六四就已經接受唔到啦！無線嘅親政府狀態真係唔係起源於佔中，係九七年後之後已經係咁！

但放心我朋友大把工作做，唔使因為呢間無良公司而冇錢搵！