那些來自大陸的電影系進修學習 (Patreon)

話說星期一晚同劉天賜，賜官食飯，好耐無見他，大半年前把與他一起做的patreon 節目「向你賜教」錄妥後，今次才重遇，他回來原本是為了書展的講座，還自我隔離14日，點知書展取消！

我哋約喺最鍾意食嘅京菜館泰豐樓談天說地，傾得最多嘅都係電影，所以嚟緊「向你賜教」我哋會集中講吓電影！而且我哋係好冇需要俾面任何電影人電影公司等等！

席間，賜官講起一件事，話說賜官曾經係浸會大學電影系校外評分老師，佢話某次畢業功課，佢睇完五個來自大陸嘅學生劇本，就決定五個都比唔合格！咁學校有少少尷尬，咁賜官就約見左呢五位同學，亦都平心靜氣問佢哋明唔明白其實呢個劇本連一個正路嘅故事都冇，希望佢哋重新寫過一個起碼有故事內容嘅劇本！我真係覺得好基本啦！

點知最終交返嚟，除咗一個係肯重新寫過一個有故事性嘅劇本俾咗合格之外，其他個四個係原封不動交返俾賜官，真係當你死，咁佢咪直接將四個人肥佬咗囉！點知就浸會大學又唔係好高興同賜官仲左傾右傾，咁無辦法喺學校壓力之下，勉強都俾埋個四個人啱啱合格算！

賜官就覺得做得好冇癮，而且某個程度就係縱容咗呢啲大陸學生！非常唔公平！

其實我覺得都唔單止大陸學生，我發現有好多香港讀電影系嘅學生，畢業後其實真係一啲都唔覺得佢地鍾意電影！