蘇聯瓦解後的無名英雄紀念碑 (Patreon)

我第一次去莫斯科是在1994年，蘇聯瓦解才兩三年！可以話係一個文化衝擊當地嘅過渡期，因為在當地你可以見證着整個經濟崩潰嘅情況，在街邊乞食及在街上將自己家當擺賣的人多不勝數！另一方面還是有大量人接受不到蘇聯已經消失，無論情緒與思維仍然保留在蘇聯時期，所以當看到這幅相的時候，又想起當年發生的兩件小事！

還記得當日，好興奮去到莫斯科紅場！嘩！呢個係我自細聽紅歌睇紅片朝聖嘅地方啊大佬！就喺準備去排隊參觀列寧墓之前，經過克里姆林宮外面嗰個無名英雄紀念碑（蘇聯叫佢做無名烈士墓），當時我就睇住一個年長嘅男士攞住拐杖慢慢慢慢行到紀念碑前，跪低向佢哋致敬，在好辛苦地用拐杖起翻身，一轉過嚟我見到佢滿面淚水，哭不成聲！呢一幕真係記一世！我唔識俄羅斯文，問唔到佢究竟係二次大戰退役軍人？係蘇聯時期軍人？定係純粹一個懷念蘇聯嘅市民？

就係影完呢幅相之後，當準備排隊入列寧墓之際，我就用相機前後左右快速影咗四幅相！就係咁咋！一個俄羅斯軍人衝過嚟！同我講咗幾句我唔知佢講乜嘅嘢！之後就搶咗我手上面㗎菲林相機，夾硬開咗我相機蓋令到菲林走光！之後比返我話no more photos ！

我當時真係呆咗！感到好震驚，我影四幅相都俾人咁？！仲要唔係軍事設施！

個當地導遊遠處見到我呢個情況衝過黎同我講，冇嘢嘅冇嘢嘅！因為佢哋仲保留着蘇聯嘅思想，覺得你係克里姆林宮外面連續影幾幅相係犯規！佢哋個腦仲未轉到！可想言之蘇聯時期嘅洗腦人生影響幾大！

當然之後我喺俄羅斯嘅旅程都有少少戰戰兢兢，大佬，真係俾個軍人衝過來拆菲林第一次，亦都係至今唯一一次！

幾年前我又喺莫斯科，喺克里姆林宮前面狂影相已經冇人理啦！不過九四年果次因為佢哋裝修，入唔到克里姆林宮參觀，幾年前又冇去到！所以莫斯科係會再去！