黑警係壹集團濫權行為 (Patreon)
Published:
2020-08-11 13:27:39
Edited:
2020-08-11 14:33:18
Imported:
2021-07
Content
琴日納粹香港黑警佔領壹傳媒大樓,搶走左好大量電腦同文件!咁今日同一啲蘋果日報記者傾開,先知道個情況都幾嚴重!關於咩呢?係關於佢哋嘅私隱問題!
話說尋日班黑警係將現場所有蘋果日報記者嘅資料抄低,包括所有人嘅姓名、電話號碼、身分證同埋地址!我真係好震驚!我同啲記者講佢哋邊有法律可以問在場記者攞地址呀!如果咁搞,隨時啲記者都被上門拉人封艇啦!根本法律上佢哋冇權問記者攞佢哋嘅地址!當然都唔可以怪班記者太軟弱,因為當時佢哋個個都好驚!比着我喺現場我就會死都唔俾問佢憑咩問我攞地址?你咪現場拉我囉!
再加上已經今日有蘋果日報記者收到啲不知名嘅古怪電話,即係黑警將電話號碼發放左比其他人啦!咁地址都一定會俾咗其他部門或者大陸啦!我真係覺得呢班記者好危險!所以我哋繼續要支持蘋果日報同埋壹集團!佢哋真係以生命換取新聞俾我哋!