一個完全冇智商嘅特首 (Patreon)

我哋淨係單單睇琴日林鄭月娥喺Facebook回應美國制裁佢自己嘅內容就知道佢幾冇智商！作為一個喺喺港英政府幾十年公務員系統裏面嘅人，竟然會講得出美國政府連佢而家嘅地址都錯咗，用咗佢幾年前做政務司司長嗰陣時嘅地址！你稍稍用下腦都知道，係人都知道你而家住喺禮賓府啦！仲對住美國領事館添，你估美國唔知你而家住喺邊呀？！

呢啲叫做5%錯誤遊戲！香港出版業都玩呢樣野㗎，有時我啲書嘅內容特登錯少少、文章特登錯少少，公司報告特登錯少少.......就係有人如果要偷用嘅時候一對個錯誤就會知道晒！美國特登錯喺啲無傷大雅嘅地方，都係想你地覺得你都唔係咁勁姐！地址都錯！

人哋真係可以用無人機去ISIS大本營嗰間屋裏便對住食緊麵嘅恐怖分子精準射殺，之後呢個特首取笑美國唔知自己住喺禮賓府！What the fuck!

第二樣蠢到阿媽都唔認得嘅係，你不斷話地址都錯，但提都唔敢提自己其他資料，即係其他資料準晒啦，包括身分證號碼護照號碼等等，咁你一個回應我哋就知道所有其他資料係啱㗎喇！真係蠢到一啲都唔似當年港英政府教出黎嘅人！