關於昔日金馬倫道麥當勞的小故事! (Patreon)
Published:
2020-08-04 01:07:16
Edited:
2020-08-04 01:07:39
Imported:
2021-07
Content
早陣子,當尖沙咀金馬倫道麥當勞結業時,其實我一點也不可惜,縱然我真係細細個開始幫襯它(從小學起),就係因為老僱客,就知道尼間麥記長期服務差、管理差、食物質素差,好奇怪!真係好明顯,所以以前尖沙咀一開其他分店,就不會去金馬倫道這間!
不過,這間店就係有它特色!應該係全香港最猛鬼的麥當勞!傳說經常有人在它的公用廁所遇鬼,這也可能跟它發生過命案有關吧!在過往幾十年,印象中在金馬倫道麥當勞廁所死了人的命案,起碼有兩單!
而且後來有傳閙鬼情況伸延至廁所外的飲食區!所以若果是老僱客,也會留意到在收銀處後面的柱上掛了一把銅錢劍辟邪!我相信是全香港麥當勞獨有!
有次我去買嘢食,就聽見一個夥計大大聲同經理講:「等陣我會出去燒埋香拜一拜!」之後個經理有啲尷尬同佢講:「下次唔好咁大聲!」所以我先知原來晚晚而間麥當勞都會上香拜神!
後來全香港麥當勞大裝修統一設計,嗰把金錢劍就唔見咗啦!當然近幾年麥當勞變成金拱門,社會主義老細下嘅麥當勞又點會俾你拜神裝香放辟邪物!大約半年前佢執笠,所有靈異故事就此終結啦,不過我依家好好奇將會係邊一間舖頭接手,睇吓會唔會延續鬧鬼事件?!