辰衝兩本書:UFO與核災難 (Patreon)
Content
早兩日趁樂道辰衝結業前走一轉,執到兩本好嘢!一本係「Exposure」講述世界各地核災難的受害人等!另一本是前美國總統卡特自傳「A Full life」,兩本都係舊書,但係都係兩本好正嘅舊書!
先講第一本,出版於1991年,明顯針對蘇聯80年代切爾諾貝利核電廠爆炸的個案,當然當中不乏西方國家核災難的故事:包括美國三里島核事故、美國新墨西哥州印第安保護區核事故、馬來西亞核事故、聖誕島核事故、納米比亞核事故.......嘩!真係有幾多我哋係唔知或者唔記得!搵日我睇晒成本書再同大家講!
關於美國卡特前總統嘅自傳,真係有諗過買好多年,不過一直隨遇而安!因為稍稍對UFO歷史有興趣的人都知道,卡特係少有公開承認自己曾經目擊UFO個案嘅美國總統,而且從來都唔否認自己講過!咁佢本自傳應該都有提掛?有!雖然唔係太多.....
「1960年代,我當時係西南喬治亞洲56間獅子會的總督,每年要巡視各間獅子會,當日我站在Leary一間學校飯堂前空地等待開會,期間有20多人一齊目擊遠處有一點光,那光越來越近越來越大飛向月球接近位置,之後他停了,它變色轉換方向之後突然消失,整個過程什麼聲音也沒有,由於大家都目擊這件事,所以當晚聚會大家便討論起剛才目擊的UFO !」
自傳中他認為他看到UFO時,並沒有聯想到任何外星人等等,他只認為是美國軍方的某一種武器試驗或者航空試驗等等!當然佢冇講到做咗總統之後,呢個諗法有冇改變呢?