新城電台的小秘密 (Patreon)

話說新城電台早幾日有人確診武漢肺炎，搞到琴日開始全台人撤離，節目中不斷播放音樂，但最重要嘅問題就係連新聞報道都取消埋，琴日就引來通訊管理局不滿表示違反廣播條例！我真係笑咗出嚟！

話說大約20年前，我經常夜晚深夜去做新城電台恐怖熱線嘅嘉賓主持，嗰陣時已經知道佢哋11:00之後係冇人返嚟報道新聞，我當時感到很震驚，一問之下，先知道原來佢哋將新聞錄好晒，叫控制員定時定候撳出嚟，直到第二朝6:00先有新聞報道員返工！呢個安排當然係完全違反廣播條例啦，但冇人舉報冇人篤灰你咬佢！後來佢哋有冇改變策略我就唔知啦，因為我已經好多年冇去新城電台！