美國的種族歧視文化 (Patreon)

其實若果你真係住過喺美國，你就完全明白本身美國就係充滿種族歧視嘅地方！早兩日美國國防部終於禁止政府設施懸掛昔日南方聯邦旗！呢個問題我由中學問到而家，點解美國仲容許人們懸掛支持奴隸制度嘅南方聯邦旗呢？當然好多人會形容因為美國有自由去做自己想做嘅嘢！ OK ！明白嘅明白嘅！我其實想講嘅係，有好多亞洲人，包括香港人其實都唔係好了解美國，我講個好簡單嘅例子俾大家聽，我有個親戚十幾年前揸車去加州北部旅行，去咗一個好偏僻嘅小鎮，一進入城鎮就有個好大嘅橫額，上面寫着「All American 」！「全部係美國人」對於絕大部份唔知道真相嘅人來講真係一啲問題都冇，但其實呢句說話係白人至上美國人嘅用語，即係話呢個城鎮係唔會雇用有色人種工作，甚至政府人員裏面都冇有色人種！而其實全美國好多餐廳門口若果寫上All American，都係會表達呢間餐廳冇雇用有色人種，當然包括廚師，潛台詞就係白人至上人士可以放心喺呢間餐廳食飯！

而呢種咁種族歧視嘅文化，其實到今時今日全美國仲係存在，只不過絕大部份亞洲人係完全唔明呢個字點解！甚至會蠢到移民去呢啲小城鎮！🙄