茶果嶺的鬼故 (Patreon)

若果你又睇返條片，星期日我去茶果嶺遇到嗰個小妹妹，佢幾好笑㗎！我問佢茶果嶺有冇鬼故啊？

佢話：「我唔知呀！因為我每次一聽我就會暈同作嘔，之後我就會入醫院㗎啦！」我真係笑咗出嚟！即係有鬼故但係從來呢個小妹妹冇聽完！

另一邊廂，你知道以前茶果嶺嘅面積好大好多木屋區，包括整個麗港城都係茶果嶺一部份，反而我想講吓麗港城嘅城市傳聞，話說當年麗港城落成冇耐，有業主曾經聯絡我，話承建商係興建嘅時候，覺得諸事不利，感覺邪邪地，咁就決定將某一幢某一層某一個單位完全用圍板封死，裏面就放咗一個祭壇！城市傳聞指呢個封死嘅單位到今日仲存在，但係問咗好多人，都唔知呢個神秘單位係邊一度，仲有若果你封死咗佢邊個入去拜祭裝香呢？！所以呢個傳聞到而家都冇一個實質證據！