一間尖沙咀店的開始與結束 (Patreon)

想講一間啱啱喺尖沙咀結業嘅粥粉麵飯店舖，舖頭名就唔講啦！佢哋大概上年12月開張，由於我日日經過，覺得係呢個時勢喺尖沙咀開間新食店，佢哋冒嘅風險都幾大！但我觀察咗好耐，我始終一次都冇入去食過嘢，有兩個原因：首先係政治立場問題，無論由佢哋夥計到老闆到廚師真係直覺好藍絲feel，當有次見到佢哋喺門口貼咗社區前線尖沙咀中區議員嘅宣傳單張，我就覺得好奇怪，問區議員乜呢間野唔係藍嘅咩？區議員表示旺角同名嗰間就係藍嘅，呢間應該係黃！Really ？！但從來都冇見到貼其他任何文宣、當然亦都冇連儂牆啦！對於呢啲同名分店有藍有黃，我一向都好抗拒！第二由於明顯地見到佢有開幕都結業其實食客都唔多，咁食材新唔新鮮就係一回事，我親眼見過N次，之前嗰晚賣剩幾十條油炸鬼，真係擺到第二朝當新鮮油炸鬼買俾啲客人！一係你就唔好俾我連見到，但佢又肆無忌憚俾我啲街坊睇住！咁我就唔會去食囉！最致命嘅係有一次，見到個廚師企喺門口食煙，我諗係習慣，佢一手塞落自己胳肋底喺度猛咁拗痕，　大佬若果之後你整腸粉，點食啊，所以見到個幕我就決定唔會入呢間舖頭！幾個禮拜前，終於佢哋結業啦！其實尖沙咀若果你做街坊生意，真係唔該你哋小心啲！