電影「睇你幾時死!」影評 (Patreon)
Published:
2020-06-19 01:23:30
Edited:
2020-06-19 01:26:08
Imported:
2021-07
Content
(注意,有劇透!)我有先天偏見,因為喜歡俄羅斯戲,我覺得「睇你幾時死!」好好睇!而且好鬼死cult!痴線血腥味濃,故事好簡單,一個女兒因某啲原因叫男朋友去殺自己老豆!之後出現一連串笑位!你大可以當普通故事睇,你若仔細一些,就是描述緊俄羅斯當前社會腐敗的情況:警察為了利益金錢,可以破壞凶案現場證據、偽造文件及證據、再收買當事人!警察之間只有賄賂同權力!喺社會上面要得到合適工作,甚至要出賣色相,要同上級有不尋常關係!而當中最諷刺的角色就是家中那個母親角色,永遠唔敢表態、永遠沉默是金、明知道有人做錯野,但是也不去阻止,正正表達了俄羅斯社會(這也是香港社會)之中絕大部份的怕事者!但就算你哋沉默,但最終都累死自己!影片中幫女朋友殺父嘅男主角,就係代表希望喺呢個社會改革前進嘅年輕人,其實導演一開始設定佢着住件蝙蝠俠標誌嘅衫,就暗示其實佢係為正義做事,就算佢用咗少少暴力,但係佢真係唔係為錢!佢真係只想教訓犯下錯誤嘅上一代!我覺得電影嘅翻譯都應該係手足,男主角最尾對住鏡頭話:「最緊要人冇事!」我真係笑出黎!